✍🏻करण भरणे सर (बिटरगाव ढाणकी प्रतिनिधी)
ढाणकी : – ऑल इंडिया केमिस्ट असोसिएशनच्या देशव्यापी आंदोलनाला पाठिंबा देत, येत्या २० मे २०२६ रोजी ढाणकी शहरातील सर्व मेडिकल दुकाने कडकडीत बंद ठेवण्याचा निर्णय ढाणकी केमिस्ट असोसिएशनने घेतला आहे. ग्राहकांची बनावट औषधांपासून होणारी लूट थांबवणे आणि औषध विक्रेत्यांच्या विविध न्याय्य मागण्यांसाठी हा निषेध पुकारण्यात आला आहे. या संदर्भात आज, १८ मे रोजी प्रशासकीय अधिकाऱ्यांना अधिकृत निवेदन देण्यात आले.
🚨मुख्य मागण्या काय आहेत? केमिस्ट असोसिएशनने केंद्र सरकार आणि संबंधित विभागाकडे खालील ४ प्रमुख मागण्या मांडल्या आहेत:१. बनावट औषधांपासून देश वाचवा: बाजारपेठेत येणाऱ्या बनावट औषधांवर कडक निर्बंध आणून ग्राहकांचे आरोग्य सुरक्षित करा.२. कॉर्पोरेट डिस्काउंटला लगाम: कॉर्पोरेट कंपन्यांद्वारे छोट्या व्यावसायिकांना उद्ध्वस्त करणारी ‘डिस्काउंट संस्कृती’ त्वरित बंद करा.३. ऑनलाईन औषध विक्रीवर बंदी: नियमबाह्य पद्धतीने होणारी ऑनलाईन औषध विक्री पूर्णपणे थांबवा.४. ‘जीएसआर ८१७’ कायदा मागे घ्या: औषध विक्रेत्यांवर अन्याय करणारा ‘जीएसआर ८१७’ (GSR 817) हा काळा कायदा त्वरित रद्द करा.
प्रशासनाला दिले निवेदनया देशव्यापी बंदच्या पार्श्वभूमीवर आज ढाणकी केमिस्ट असोसिएशनच्या पदाधिकाऱ्यांनी एकत्र येत पोलीस स्टेशनचे ठाणेदार साहेब, पशुवैद्यकीय अधिकारी, प्राथमिक आरोग्य केंद्र (PHC) ढाणकीचे वैद्यकीय अधिकारी तसेच डॉक्टर असोसिएशनचे अध्यक्ष यांना सविस्तर मागण्यांचे निवेदन सुपूर्द केले. २० मे रोजी ढाणकीतील औषध सेवा पूर्णपणे बंद राहणार असल्याने, नागरिकांनी याची नोंद घ्यावी व सहकार्य करावे, असे आवाहन असोसिएशनतर्फे करण्यात आले आहे. “सर्वसामान्य जनतेचे आरोग्य आणि औषध विक्रेत्यांचे अस्तित्व धोक्यात आणणाऱ्या धोरणांविरोधात हा लढा आहे.
संपूर्ण भारतभर हा बंद पाळला जात असून ढाणकीतील सर्व व्यावसायिक यात १००% सहभागी होतील.”— ढाणकी केमिस्ट असोसिएशननिवेदन देताना ‘यांची’ होती उपस्थिती निवेदन सादर करतेवेळी ढाणकी केमिस्ट असोसिएशनचे अध्यक्ष प्रदीपभाऊ पिंपरवार, दिनेश पाटील रावते, सावळेश्वरकर, सुनील सोमसेटवार, तुषार कदम, मोहम्मद सोहेल, अलकटवार बंधू, मिलिंदभाऊ फुलबांदे यांच्यासह ढाणकी शहरातील सर्व केमिस्ट बंधू व असोसिएशनचे सदस्य मोठ्या संख्येने उपस्थित होते.
महत्त्वाची सूचना: बुधवार, दिनांक २० मे २०२६ रोजी ढाणकी शहरातील सर्व मेडिकल स्टोअर्स बंद राहणार असल्याने रुग्णांनी व नागरिकांनी आपली आवश्यक औषधे आधीच खरेदी करून ठेवावीत, ही विनंती.
